iPhone-ի նոր մոդելների վաճառքի ուժեղ ցուցանիշները թույլ են տալիս Apple ընկերությանը առաջ անցնել մրցակից Samsung-ից աշխարհում սմարթֆոնների առաջատար վաճառողի տիտղոսի համար պայքարում։ Այս մասին հայտնում է The Wall Street Journal-ը։
Ինչպես հիշեցնում է թերթը՝ հղում անելով Canalys-ի տվյալներին, հարավկորեական ընկերությունն առաջ է անցել ամերիկյան կորպորացիայից և դարձել սմարթֆոնների խոշորագույն արտադրող 2011-ի երրորդ եռամսյակում։ Այդ ժամանակվանից ի վեր Samsung-ը մնացել է առաջատարի դիրքում շնորհիվ սմարթֆոնների լայն շարքի։
Հիմա, սակայն, Samsung-ի-ի մասնաբաժինը նվազում է նորագույն մոդելների թույլ վաճառքի և զարգացող շուկաներում այլ բրենդների կողմից աճող մրցակցության պատճառով։ Canalys-ի տվյալներով՝ անցած տարվա երրորդ եռամսյակում Samsung-ը մատակարարել է մոտ 78 մլն սմարթֆոն։ Համաշխարհային շուկայում արտադրողի մասնաբաժինը կազմել է 25 տոկոս, մինչդեռ մեկ տարի առաջ 34 տոկոս էր։
Դիտարկվող եռամսյակում, որն ավարտվել է դեկտեմբերի 27-ին, ամերիկյան կորպորացիան վաճառել է 66.5 մլն սմարթֆոն՝ 30 տոկոսով ավելի, քան մեկ տարի առաջ։