Այսօր ՀՀ պաշտպանության նախարար Սեյրան Օհանյանի տարեկան ասուլիսին լրագրողները նախարարից հետաքրքրվեցին Գյումրիի ողբերգական դեպքից հետո ՀՀ պաշտպանության նախարարի և ՌԴ պաշտպանության նախարարի առաջին տեղակալի հանդիպումից և հարցրին, թե արդյոք Սեյրան Օհանյանը դիմե՞լ է Արկադի Բախինին՝ Պերմյակովին ՀՀ իրավապահներին հանձնելու խնդրով:
Նախարարը նշեց, որ այդպիսի հարց չի եղել, հարցը եղել է գործող բոլոր միջպետական համաձայնագրերի և գործող օրենսդրության շրջանակներում, որպեսզի կարողանանք իրավական ամբողջ գործընթացն իրականացնել:
«Ասեմ, որ հենց այդ ժամանակահատվածում հենց առաջին իսկ հայացքից ՌԴ պաշտպանության ղեկավարությունը ասում էր, որ իրավական նորմերի համաձայն, քանի որ դեպքը կատարվել է այստեղ, պետք է ճշտել նաև իրավական բոլոր նորմերը՝ գոյություն ունեցող, և այդպես էլ իրականացնենք»,-հավելեց նախարարը:
Նախարարը խոսեց նաև 102-րդ ռազմաբազայից: Նրա խոսքով՝ ռազմաբազայի ղեկավարությունը վերջին տարիներին բավականին լուրջ աշխատանքներ է կատարել բազայի մարտական պատրաստվածության ուղղությամբ:
Ավելին՝ տեսանյութում: