Այսօր ՀՀ արտգործնախարարությունում Էդվարդ Նալբանդյանի և Մոհամադ Ջավադ Զարիֆի հանդիպումից հետո նախարարները համատեղ մամլո ասուլիս էին հրավիրել:
Իրանի արտգործնախարարի խոսքով՝ Հայաստանի անդամակցությունը Եվրասիական տնտեսական միությանը լավ հնարավորություն է ստեղծում Իրանի և Հայաստանի միջև համագործակցության համար:
Իրանի ԱԳ նախարարը հույս հայտնեց, որ համագործակցությունը երկու երկրների միջև, կապի, էլեկտրոնիկայի, բնապահպանական, ճանապարհների, ջրի և այլ ոլորտներում արդյունքներ կունենա և վստահեցրեց, որ «լավ պայմանավորվածությունների» են եկել հայկական կողմի հետ:
«Գոյություն ունի համագործակցության եռակողմ ձևաչափ՝ Իրան-Հայաստան-Ռուսաստան, որը վերաբերում է նաև կապի ոլորտին. Մենք այս ոլորտում պատրաստ ենք համագործակցել Հայաստանի և Ռուսաստանի հետ,-նշել է Մոհամադ Ջավադ Զարիֆը:
Լուսանկարը` PAN Photo-ի