«Բարսելոնա»-ի հարձակվող Նեյմարը մեկնաբանել է թիմի նախկին գլխավոր մարզիչ Յոհան Կրուիֆի խոսքերը: Հոլանդացին կասկած է հայտնել, որ Մեսսին և Նեյմարը միասին չեն կարող հանդես գալ կատալոնական ակումբում, քանի որ մեկ նավի վրա երկու նավապետ լինել չի կարող:
«Ես դեռ շատ բան կարող եմ առաջարկել «Բարսելոնա»-ին: Իսկ Մեսսին լավագույն ֆուտբոլիստն է, ում երբևիցե հանդիպել եմ: Չեմ կարող ասել, արդյոք՞ այս պահը լավագույնն է իմ կարիերայում: Սակայն ես, անշու´շտ, հաջող մրցաշրջան եմ անցկացնում:
Ինչ վերաբերում է Կրուիֆին, ապա ես հարգում եմ նրա կարծիքը: Նա լավագույններից մեկն է եղել աշխարհում, բայց կարող է նաև սխալվել: Ես և Մեսսին միասին կարող ենք մեծ նվաճումներ ունենալ»,- Sport-ը մեջբերում է Նեյմարի խոսքերը: