Շաբաթ օրը ՀԺ-ն տեղեկացրել էր, որ քրեական հեղինակություն Անդրանիկ Սողոյանի (առավել հայտնի Զապ մականունով) խափանման միջոց կալանավորումը կրկին երկարաձգվել է: Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Մնացական Մարտիրոսյանը բավարարել է Արդարադատության նախարարության միջնորդությունը: Թե քանի՞ օրով կամ ամսով է երկարաձգվել Զապի կալանքը՝ վերջինս պաշտպան Վահագն Մարտիրոսյանը հրաժարվել էր որեւէ տեղեկություններ փոխանցել. «Իմ պաշտպանյալի կողմից խիստ ցուցում ունեմ չպատասխանել և չշփվել որևէ լրագրողի հետ»,- ՀԺ-ի հարցերին ի պատասխան՝ ասել էր փաստաբանը:
Ավելի ուշ էլեկտրոնային որոշ լրատվամիջոցներ տեղեկություն տարածեցին, որ հունվարի 29-ին ԶԱՊ-ը ազատ է արձակվելու, քանի որ խափանման միջոց կալանքի ժամկետը չի երկարաձգվելու:
Արդեն երեք օր է՝ մեզ չի հաջողվում խոսել փաստաբանի հետ:
Արդարադատության նախարարությունից մեզ ասացին, որ համապատասխան պաշտոնյան, ով կարող է այդ հարցով տեղեկատվություն տալ՝ Հայաստանում չէ:
Կենտրոն և Նորք մարաշ վարչական շրջանների ընդհանուր իրավասության դատարանից մեր հարցերին ի պատասխան ասացին, որ իրենք չեն կարող տեղեկատվություն տալ այդ գործի հետ կապված և հորդորեցին դիմել Դատական դեպարտամենտի լրատվական ծառայություն:
Մանրամասները՝ Armtimes.com-ում