Իսլանդիայի բնակիչ Հյորթուր Սմարասոնը չիզբուրգեր է ցուցադրել, որը նա գնել է 2009 թ. McDonald’s-ի ռեստորաններից մեկից երկրում ցանցի վերջին աշխատանքային օրը: Այդ մասին հաղորդում է mbl.is-ը:
Նշվում է, որ վեց տարի անց էլ բուտերբրոդը տեսքը չի փոխել: Միակ նկատելի տարբերությունն այն է, որ միսը այս տարիների ընթացքում ավելի բաց երանգ է ստացել:
Տղամարդը որոշել էր պահպանել արագ սննդի այդ տեսակը և այն երեք տարով տեղադրել էր պոլիէթիլենային փաթեթի մեջ: Դրանից հետո Սմարասոնը չիզբուրգերը փոխանցել է Իսլանդիայի Ազգային թանգարանին:
«Ես ինչ-որ բան լսել եմ այն մասին, որ McDonald’s-ի ճաշատեսակները երբեք չեն փչանում և որոշեցի դա ստուգել», — պատմել է իսլանդացին:
