Ամերիկյան «Առասպելներ քանդողները» գիտահանրամատչելի հաղորդման հերթական թողարկումը նվիրված է լինելու Doom շութերին (համակարգչային խաղի ժանր): Այդ մասին հաղորդագրությունը հայտնվել է Bethesda ընկերության կայքում:
Հաղորդավարները կպարզեն՝ որքանով են իրականությանը համապատասխանում Doom-ում և այլ շութերներում իրականացվող գործողությունները: Օրինակ՝ հաճախ հերոսը իր հետ շատ իրեր է տանում՝ դեղեր, զենքեր և նույնիսկ սղոցներ: Հաղորդավարները կպարզեն՝ հնարավո՞ր է արդյոք նման իրերով վազել: Հատուկ փորձի համար իրականում կվերստեղծեն Doom-ի որևէ մակարդակ:
Doom-ի վերաբերյալ հաղորդումը Discovery հեռուստաալիքով եթեր կթողարկվի հունվարի 31-ին:
