Ստամբուլում Burger King ռեստորանի տնօրենին աշխատանքից հեռացրել են այն բանից հետո, երբ նա սիրիացի փախստական տղայի է ապտակել, հայտնում է Hurriyet Daily Times-ը:
Շիրինեվլեր շրջանում տեղակայված ֆասթֆուդի ցանցի աշխատակիցը հարձակվել էր տղայի վրա, երբ նկատել էր, որ նա սեղանից հավաքում է սննդի մնացորդները:
Օմար անունով մենեջերը պահանջել է, որ երեխան հեռանա Burger King-ից, իսկ հետո բռնել է նրա ձեռքից, հրել է ու խփել դեմքին: Նշվում է, որ տղայի քթից սկսել է արյուն հոսել:
Այն բանից հետո, երբ համացանցում հայտնվեցին տղայի լուսանկարները, օգտատերերը պահանջեցին հեռացնել նրան աշխատանքից: The Daily Mirror-ը հայտնում է, որ որոշ ժամանակ անց ինչ-որ մեկը ներկ է թափել ռեստորանի ցուցափեղկին:
TAB Food ընկլերությունը, որին է պատկանում Թուրքիայում Burger King-ի ֆրանշիզը, ներողություն է խնդրել դեպքի համար ու խզել մենեջերի աշխատանքային պայմանագիրը: