Ստավրապոլի երկրամասի Մինվոդի քաղաքում շարունավում է սրճարանում վեճից հետո տեղի ունեցած հանցագործության հետաքննությունը: Այնտեղ զինվորականների և քաղաքացիական անձանց միջև վեճ է բռնկվել: Դրա հետևանքով պաշտպանության նախարարության մի հատուկջոկատային դանակի մահացու հարված է ստացել: Ոստիկանությունում կարծում են, որ վեճի պատճառը ալկոհոլի ոչ չափավոր օգտագործումն է, գրում է INTERFAX-ը:
«Վեճի պատճառը սպիրտային խմիչքների չարաշահումն է: Դեպքի բոլոր մասնակիցները ձեբակալված են»,- երկուշաբթի մամլո ասուլիսում հայտնել է տարածաշրջանի ՆԳՆ ԳՎ պետ Ալեքսանդր Օլդակը:
Գնահատելով հասարակության բարոյական վիճակը, որտեղ ալկոհոլի ազդեցության պատճառով տուժում են նույնիսկ ուժային էլիտար ստորաբաժանումների ներկայացուցիչները՝ ոստիկանության ղեկավարությունը միջոցներ է ձեռնարկել, որպեսզի թուլացնի լարվածությունը և ազգային վրդովմունքի աստիճանը:
Իրավապահները շաբաթ օրը չարտոնագրված հավաքի մասնակիցների հետ բացատրական աշատանքներ են տարել: Այդ ժամանակ Մինվոդի քաղաքի բնակիչները փակել էին «Կովկաս» մայրուղին և պահանջել շուտափույթ հետաքննել սպանության գործը և նոր միջոցներ կիրառել քաղաքում հանցագործությունների դեմ պայքարելու ուղղությամբ:
Հիշեցնենք, որ դեպքը տեղի է ունեցել հունվարի 21-ին, երբ Մինվոդի քաղաքի «Օպերա» սրճարանում չորս քաղաքացիական անձինք և չորս զինվորականներ վեճի են բռնվել:
Վեճի հետևանքով հատուկջոկատային Դմիտրի Սիդորենկոն սրտին դանակի մահացու հարված է ստացել:
Սպանության մեջ կասկածվում է 1991թ. ծնված Միխայիլ Գրիգորյանը։ Հեաքննության շրջանակներում 10 մարդ է ձերբակալվել, այդ թվում՝ Գրիգորյանի ընկերները՝ Ալեքսանդր Մանուչարյանը և Ալեքսանդր Մարտիրոսյանը:
Հայերը իբր պնդում են, թե Սիդորենկոն «վճարել է Գյումրիում կատարվածի համար», երբ ռուսական ռազմաբազայի զինծառայող Վալերի Պերմյակովը մի ամբողջ ընտանիք է սպանել:
