Սպասվում է, որ Apple-ը այս շաբաթ կհայտարարի, որ 2014 թ. չինացիներն ամերիկացիներից ակտիվ են iPhone գնելու հարցում, գրում է The Financial Times-ը: Թերթի հաղորդմամբ՝ Apple-ի սմարթֆոնների վաճառքի ցուցանիշն առաջին անգամ կարող է Չինաստանից ավելի լավը լինել:
Վերլուծաբանների գնահատմամբ՝ Apple-ը կարողացել է այդ շրջադարձային կետին հասնել 2014 թ. China Mobile-ի հետ գործարքի և հոկտեմբերին Չինաստանում iPhone 6-ի թողարկման շնորհիվ չինական շուկայում իր ներկայությունն ընդլայնելուց հետո:
Ըստ UBS-ի փորձագետների՝ անցած տարվա չորրորդ եռամսյակում Չինաստանին բաժին է հասել iPhone-ի մատակարարումների 36%-ը, ԱՄՆ-ին՝ 24%-ը: Բացի դրանից՝ մասնագետների գնահատմամբ՝ նույն ժամանակահատվածում Apple-ի սմարթֆոնների 29%-ը վաճառվել է ԱՄՆ-ում, 22%-ը՝ Չինաստանում: Իսկ Բեն Բաջարինը Creative Strategies-ից կանխատեսում է, որ 2014 թ. չորրորդ եռամսյակում Apple-ը Չինաստանում մոտ 2 մլն-ով ավել սմարթֆոն է վաճառել, քան Հյուսիսային Ամերիկայում:
