ՆԱՏՕ-ն ոչ մի դեր չի խաղում Լեռնային Ղարաբաղի հակամարտության կարգավորման գործում: Այս մասին Trend-ին ասել է Հարավային Կովկասի և Կենտրոնական Ասիայի գծով ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ափաթուրայը:
«Չեմ կարծում, որ ՆԱՏՕ-ի որոշակի դերը կարող է օգնել գործընթացի առաջխաղացմանը, բայց հակամարտության լուծման գործում ՆԱՏՕ-ն աջակցում է ԵԱՀԿ Մինսկի խմբի ջանքերին»,- ասել է Ափաթուրայը:
Նրա խոսքով՝ ԼՂ հակամարտությանը միջազգային ուշադրություն է հատկացվում ամենաբարձր մակարդակով՝ «հատկապես հաշվի առնելով, որ վերջերս Ֆրանսիայի նախագահ Ֆրանսուա Օլանդը բանակցություններ է վարել Հայաստանի և Ադրբեջանի հետ համատեղ»:
Ափաթուրայի խոսքով՝ 2 տասնամյակ բանակցություններին մշտապես մասնակցել է ԵԱՀԿ Մինսկի խումբը՝ ԱՄՆ-ի, Ֆրանսիայի և Ռուսաստանի համանախագահությամբ: