Թեհրանը և Անկարան արդեն աշխատում են ազգային արժույթները կիրառելու համաձայնագրի վրա՝ փոխադարձ արտաքին տնտեսական հաշվարկների ժամանակ: Այս մասին հաղորդում է TASS-ը:
Նշվում է, որ նման փաստաթուղթը զգալիորեն կհեշտացնի Առևտրային արտոնությունների մասին համաձայնագրի իրականացումը, որը Իրանի և Թուրքիայի միջև ստորագրվել է 2014-ին, իսկ ուժի մեջ մտել 2015-ից:
Երկու երկրներն էլ միմյանց համար խոշոր առևտրային գործընկերներ են: 2012-ին երկկողմ առևտրի ծավալը կազմել է 21.8 մլրդ դոլար, 2013-ին՝ 13.5 մլրդ դոլար: Իրանը հանդիսանում է էներգակիրների խոշորագույն մատակարար Թուրքիայում, իսկ Անկարան, իր հերթին, դարձել է իրանական տնտեսության խոշորագույն ներդրողներից մեկը: