Դատարանի պահանջով ամերիկյան Google կորպորացիան տրամադրել է WikiLeaks-ի 3 լրագրողների անձնական տվյալները, այդ թվում՝ տեղեկատվություն կապերի և նամակագրությունների բովանդակության մասին։ Այս մասին գրում է The Guardian-ը։
Պարբերականի տվյալներոով՝ ընկերությունը տրամադրել է Սառա Հարիսոնի, Ջոզեֆ Ֆարելի և Քրիստինա Հրաֆնսոնի անձնական տվյալները։ Նշվում է, որ տվյալներն իշխանություններին են փոխանցվել 2014-ի դեկտեմբերի 23-ին։
Լրագրողները կորպորացիայի գործողություններն անվանել են ներխուժում անձնական կյանք։
Իշխանությունների կողմից պահանջվել է հասանելիություն անձնական տեղեկատվությանը՝ կապված WikiLeaks-ի դեմ միջոցառումների հետաքննմամբ։ Լրագրողներին մեղադրել են լրտեսման նպատակով դավադրության մեջ։
Ավելի վաղ սկանդալային կայքի հիմնադիր Ջուլիան Ասանժը հայտարարել էր, որ Google-ի հիմնական խնդիրը հետախուզական տվյալների հավաքումն է։