Հունվարի 12-ին Գյումրիում կատարված ողբերգությունից անցել է տասն օր, սակայն իրավիճակը շարունակում է լարված մնալ: Երեկ Ավետիսյանների ընտանիքի վերջին անդամի` փոքրիկ Սերյոժայի հուղարկավորությունն էր, ու թեև երեկ տեղի չունեցան այնպիսի բախումներ, ինչպես հունվարի տասնհինգին, այնուամենայնիվ, Գյումրիի իրավիճակին ներսից` ի մոտո ծանոթ գործիչները պնդում են, որ տեսանելի հանդարտությունը թվացյալ է, և իրականում Գյումրիում վիճակը շարունակում է մնալ պայթյունավտանգ:
Անցնող օրերին ժողովրդի` արդարության, հայկական արդարադատության պահանջը, սակայն, հետևողականորեն անտեսվելով իշխանությունների կողմից, տրանսֆորմացվում է և հետզհետե նոր երանգներ է ձեռք բերում: Նույնկերպ փոփոխովում է նաև ՀՀ և հատկապես ՌԴ իշխանությունների հայտարարությունների տոնայնությունը, և այսօր կատարվածը չքաղաքականացնելու մասին կոչեր անողները կարծես թե ավելի շատ են, քան իրավիճակը քաղաքականացնել փորձողները:
Գյումրիում ստեղծված իրավիճակի, հետագա զարգացումների վտանգների և դրանցից խուսափելու ուղիների մասին ԱՆՏԻՆՈՄԻԱՅԻ տաղավարում բանավիճում են «Մխիթար Սեբաստացի» կրթահամալիրի տնօրեն Աշոտ Բլեյանը և Հանրային խորհրդի անդամ, լեզվաբան, քաղաքագետ Սուրեն Զոլյանը: