ԱՄՆ Հայ Դատի հանձնախումբն իր ֆեյսբուքյան էջում տեղադրել է երեք լուսանկար, որոնք իրենցից ներկայացնում են Charlie Hebdo-ի ծաղրանկարիչների անդրադարձը Հայոց ցեղասպանության ժխտողականությանը:
Ծաղրանկարներն արել են Ստեֆան Շարբոնիեն (Charb), Բեռնար Վերլակը (Tignous) և Ռենալ Լուզիեն (Luz):
Առաջին ծաղրանկարում օսմայնան կայսրության զինվորը հարցնում է գեներալին.
– Ցեղասպանություն չենք իրականացնում, չէ՞:
– Այսօր՝ այո, սակայն մեկ դար հետո այն կլինի Դյուդոնի կատակ:
Luz-ի ծաղրանկարը, որը հրապարակվել էր 2015-ի հունվարին, հղում է անում վերջերս ֆրանսիացի կատակերգու Դյուդոնի խոսքերին, թե՝ «Հայոց ցեղասպանությունը այնքան իրական է, որքան Սանտա Կլաուսը»:
Մյուս ծաղրանկարոււմ, որի հեղինակը Charb-ն է, նման տեքստ է պարունակվում.Թուրքական բանակը սպանում է 35 քուրդ գյուղացիների, որոնցից մեկն ասում է. «Ինչ-որ բան սխալ է: Պետք է որ մեզ շփոթած լինեն հայերի հետ»:
Ծաղրանկարը հրապարակվել է 2015-ին, երբ լուրեր տարածվեցին, թե Թուրքիան հարձակվել է քուրդ գյուղացիների վրա՝ #SaveKobane միջազգային արշավին աջակցելու փոխարեն:
Մյուս ծաղրանկարում Tignous-ը պատկերում է Գեզի այգու պահպանությանն առնչվող բողոքի ակցիաների ճնշումը՝ զուգահեռներ անցկացնելով Հայոց ցեղասպանության հետ:
Ռեջեփ Թայիփ Էրդողանը թուրքական ոստիկանությանն ասում է. «Կարող եք կրակել.պատկերացրեք՝ հայ են»: