ԱՄՆ-ն չի մեկնաբանել Թուրքիայի հավանական հայցն իսլամական աստվածաբան ու ընդդիմադիր Ֆեթհուլահ Գյուլի արտահանձնմանը: Այս մասին, ինչպես հաղորդում է TASS-ը, հայտարարել է ԱՄՆ պետքարտուղարության ներկայացուցիչ Մարի Հարֆը:
«Համաձայն արդեն վաղուց ձևավորված քաղաքական կարգի պետքարտուղարությունը ոչ մի կերպ չի մեկնաբանում արտահանձնման հայցը և չի հաստատում ու չի հերքում հայցի հավանական առկայությունը»,- ասել է Հարֆը:
Ավելի վաղ, Ստամբուլի դատարանը սահմանել է Գյուլի, ով ապրում է ԱՄՆ-ում, ձերբակալման թույլտվությունը: Թուրքիայի իշխանությունները նրան մեղադում են ահաբեկչական խմբավորում ստեղծելու մեջ:
Թուրքիայի նախագահը Գյուլին մեղադրել է իշխանության մեջ «զուգահեռ կառուցվածքներ» ստեղծելու մեջ, որպեսզի տապալի թուրքական կառավարությունը: Հենց Գյուլի կողմնակիցների գործողություններով էլ Էրդողանը բացատրում է Թուրքիայում անցյալ տարի անցկացված ցույցերը և կառավարության անդամների վրա վարկաբեկող նյութերի հրապարակումը: