Էբոլա համաճարակից մահացածների քանակը հասել է 7518-ի, իսկ 19340 մարդ արդեն վարակվել է: Այս մասին հաղորդում է TASS-ը՝ վկայակոչելով Առողջապահության համաշխարհային կազմակերպության (ԱՀԿ) հրապարակած տվյալները:
Ըստ ԱՀԿ-ի վիճակագրության՝ նշած հիվանդության բոլոր դեպքերը գրանցվել են ութ երկրներում: Դրանք են՝ Գվինեան, Լիբերիան, Սիեռա-Լեոնեն, Նիգերիան, Մալին, Սենեգալը, ԱՄՆ-ն և Իսպանիան:
Ամենից ծանր վիճակում է գտնվում Լիբերիան, որտեղ 3376 մարդ արդեն մահացել է, իսկ 7830-ը՝ հիվանդ են: Սիեռա-Լեոնեում մահացել է 2556 մարդ, իսկ 8939-ը՝ հիվանդ են: Գվինեայում գրանցվել է 1586 մահվան և 2571 հիվանդության դեպք:
ԱՀԿ-ի տվյալներով՝ դեկտեմբերի 20-ից այդ երեք աֆրիկյան երկրներում Էբոլայի զոհերի թիվը կազմել է 175 մարդ:
