Մոդել Էլզա Հոսքը Victoria’s Secret-ի հետ բացառիկ պայմանագիր է կնքել, որով նա կհամալրի «հրեշտակների» շարքը, գրում է ELLE-ն: Ընկերությունը դեռևս պաշտոնական հայտարարություն չի արել, սակայն Հոսքի գործակալությունը արդեն հաստատել է մոդելի նոր կարգավիճակը:
Այդ փաստը հաստատում է նաև մոդելի վերջին լուսանկարներից մեկը, որտեղ նա կանգնած է մյուս «հրեշտակների» կողքին: Բացի այդ, Հոսքն ընտրվել է «Նայիր հրեշտակի հետ» միջոցառման մասնակից, որն անց է կացվել դեկտեմբերի 9-ին Բոյս քաղաքի Boise Towne Square առևտրի կենտրոնում:
26-ամյա շվեդ մոդելը սկսել է համագործակցել Victoria’s Secret-ի հետ 2011 թ. որպես Pink երիտասարդական շարքի դեմք:
