Կամերունի բանակը ոչնչացրել է այն դպրոցը, որը Նիգերիայի «Բոկո Հարամ» խմբավորման զինյալները օգտագործում էին երեխաներին ծայրահեղական հայացքներ ուսուցանելու համար: Այս մասին, ինչպես հաղորդում է RIA Novosti-ն, DPA գործակալությանը հաղորդել է Կամերունի բանակի գնդապետ Դիդիե Բեչեկը:
«Մեր հետախույզները հայտնաբերել են, որ «Բոկո Հարամը» հավաքագրում է 5-12 տարեկան երեխաների և նրանց ծայրահեղական իսլամ ու ջիհադիզմ սովորեցնում»,- ասել է փոխգնդապետը:
Կամերունի ծայրհյուսիսային մարզում գտնվող «ուսումնական հիմնարկից» անցյալ շաբաթ ազատվել է 84 երեխա:
