Երկուշաբթի Իսպանիայում 2.5 միլիարդ եվրո են խաղարկելու սուրբծննդյան El Gordo վիճակախաղով: Այս մասին հաղորդում է Associated Press-ը: Նշվում է, որ մեկ մեծ ջեքփոթ չի լինելու, այլ գումարը կհասնի վիճակախաղի տոմսեր ունեցող հազարավոր մարդկանց: Շահումի առավելագույն գումարը կազմելու է 400.000 եվրո: El Gordo-ի գինը 20 եվրո է:
El Gordo-ի հեռարձակումը կարող է տևել չորս ժամ:
Ինչպես ցույց են տվել վերջին ուսումնասիրությունները՝ մինչև 2008 թ. տնտեսական ճգնաժամը վիճակախաղի հաղթողներից շատերը շահած գումարը ծախսում էին նոր մեքենայի, ծովափնյան տնակների կամ հանգիստը կազմակերպելու վրա, սակայն այժմ շատերը այդ գումարը ծախսում են պարտքերը մարելու նպատակով։