Դևիդ Շվիմերը կխաղա Ռոբերտ Քարդաշյանի դերը American Crime Story նոր մինի սերիալում, գրում է spletnik.ru կայքը:
Սերիալը պատմելու է ոչ թե հանրահայտ ընտանիքի (Ռոբերտը Քիմ, Քլոյե, Քորթնի և Ռոբ կրտսեր Քարդաշյանների հայրն է), այլ Ռոբերտի մասնագիտական գործունեության մասին: Ռոբերտ Ջորջ Քարդաշյանը հայտնի փաստաբան և գործարար էր: Նա մահացել է 2003 թ. քաղցկեղից:
Ռոբերտ Քարդաշյանը Օ. Ջեյ Սիմփսոնի մտերիմ ընկերն էր, և հենց նա է պաշտպանել մարզիկին, երբ Սիմփսոնին մեղադրում էին կնոջ և նրա սիրեկանի մահվան մեջ: Այս աղմկահարույց գործը, ուրիշ շատ այլ գործեր հետաքննելու են նոր սերիալի հեղինակաները:
Հայտնի է, որ Շվիմերից բացի, որը խաղալու է փաստաբանի դերը, ֆիլմում կնկարահանվի նաև Քյուբա Գուդինգ կրտսերը, որը կկատարի Օ. Ջեյ Սիմփսոնի դերը: Սերիալի մյուս դերասանների անունները դեռևս հայտնի չեն: Ընդ որում, ըստ լրատվամիջոցների ունեցած տեղեկատվության, Քարդաշյան ընտանիքի անդամներից ոչ մեկը չի մասնակցում ֆիլմի նկարահանումներին: