Այսօր Orange-ն ամփոփեց իր «Ապագայի մտքեր» մրցույթի արդյունքները, որի շրջանակներում Orange-ի և այլ օպերատորների բաժանորդները ներկայացրել էին ավելի քան 5500 առաջարկ:
Արթուր Սարգսյանը, Սիլվա Ճորուխյանը, Արամ Մկրտչյանը, Ավետիս Հարությունյանը և Արսեն Ստեփանյանը, ում գաղափարներն Orange ժյուրին ճանաչել էր առավել նորարար և իրականացվելու ամենամեծ հնարավորություն ունեցող, Orange-ի կողից ստացան iPhone 6 սմարթֆոններ:
Հիշեցնենք, որ մրցույթը կազմակերպվել էր Orange-ի հինգերորդ տարեդարձի շրջանակներում՝ թույլ տալով www.orange5.am հատուկ կայքի բոլոր այցելուներին նոյեմբերի 5-ից մինչև 30-ը իրենց գաղափարներով կիսվել Orange-ի հետ և իրենց ներդրումն ունենալ ապագան փոխելու գործում:
Նվերները հաղթողներին հանձնելով՝ Օրանժ Արմենիայի գլխավոր տնօրեն Ֆրանսիս Ժելիբտերը նշեց. «Շատ ուրախ ենք, որ «Ապագայի մտքեր» նորարար մրցույթն ունեցավ այսպիսի տպավորիչ հաջողություն և ավելի քան 5500 մարդ մեզ հետ կիսվեց գաղափարներով: Մեծապես գնահատում ենք մեր հաճախորդների կարծիքը, և առիթն օգտագործելով՝ ցանկանում եմ շնորհակալություն հայտնել բոլոր մասնակիցներին՝ հայկական հեռահաղորդակցության շուկայում փոփոխություններ կատարելու գործում Orange-ին աջակցելու համար: Արդեն հինգ տարի շարունակ մենք գործադրում ենք առավելագույն ջանքերը՝ հայ սպառողին առաջարկելու նորարար լուծումներ, որակյալ ծառայություններ, հոգատար սպասարկում և աջակցություն, և վստահ եմ, որ այս գաղափարները կօգնեն մեզ շարունակել փոխել այսօրը՝ այսպիսով փոխելով նաև ապագան»:
Հիշեցնենք, որ www.orange5.am կայքը մեկնարկել էր Orange-ի հինգերորդ տարեդարձի շրջանակներում՝ ներկայացնելով Հայաստանում Orange-ի գործունեության հիմնական ուղղությունները: Կայքում հատուկ բաժին էր առանձնացված «Ապագայի մտքեր» մրցույթի համար: Մեկ ամսվա ընթացքում կայքն ունեցել է ավելի քան 25000 այցելու, ովքեր ծանոթացել են Orange-ի և Հայաստանում վերջինիս գործունեության հետ, իսկ ավելի քան 5500-ը կիսվել են իրենց գաղափարներով: