Ռուսաստանի էներգետիկայի նախարարությունը Թուրքիային համարում է վստահելի գործընկեր Եվրոպա ռուսական էներգառեսուրսների մատակարարման ոլորտում, ակնկալում է ձեռք բերված պայմանավորվածությունների կատարում: «Ռոսիա 24» հեռուստաալիքի հաղորդմամբ՝ այս մասին հայտարարել է Ռուսաստանի էներգետիկայի նախարար Ալեքսանդր Նովակը:
«Մենք վերջերս թուրք գործընկերների հետ շատ լավ հարաբերություններ ունենք, հատկապես էներգետիկայի ոլորտում… Ինձ բավարարում է մեր համագործակցությունը, մեր հարաբերությունները հուսալիության մասով, ինչպես Ռուսաստանում, այնպես էլ՝ Թուրքիայում նեդրումների ներգրավման հետ կապված հարցերի մասով: Դրա հետ կապված՝ մենք, անշուշտ, ակնկալում ենք, որ առկա բոլոր պայմանավորվածությունները լրիվ ծավալով կիրագործվեն»,- ասել է Նովակը «Ռոսիա 24»-ին տված հարցազրույցում:
Դեկտեմբերի սկզբին Ռուսաստանի նախագահ Վլադիմիր Պուտինը Թուրիայում բանակցությունների ընթացքում հայտարարել է, որ Ռուսաստանը ներկայիս պայմաններում չի կարող շարունակել իրականացնել «Հարավային հոսք» նախագիծը՝ այդ թվում նաև ԵՄ-ի ոչ կառուցողական դիրքորոշման պատճառով: Միաժամանակ, Թուրքիայի կարիքները բավարարելու համար Ռուսաստանը գազատար համակարգ կկառուցի, նշել է նա:
