Բրիտանացի արքայազն Ջորջը հանդիպել է Սանտա Կլաուսի հետ սուրբծննդյան տոնավաճառի ժամանակ՝ գրում է The Daily Express-ը: Թերթը հստակեցնում է, որ Քեմբրիջի դուքսն ու դքսուհին որդու հետ անակնկալ այցելել են իրենց «Անմար-Հոլ» նստավայրից ոչ հեռու գտնվող Թերսֆորդ գյուղում անցկացվող տոնական միջոցառմանը:
Մասնավորապես, թագավորական ընտանիքի ներկայացուցիչներն ուսումնասիրել են «Սանտայի կախարդական ուղևորությունը» ատրակցիոնը: Տեղացիները, տեսնելով թագավորական ընտանիքի անդամներին, ապշահար են եղել:
Ինչ վերաբերում է 16-ամսական Ջորջին, նա հիացմունքով հետևել է հյուսիսային եղջերուի շարժվող ֆիգուրին, անցել է «կախարդական անտառով» և մտել Սանտայի տուն: Հեքիաթային հերոսը նրան նվեր է տվել:
Ջորջը Սանտայի մոտ ընդունելության համար հերթ է կանգնել, իսկ ընդունելությունը տևել 15 րոպե, ինչպես և մյուսներինը: