Շաբաթ երեկոյան Հանրապետության փողոցում անհայտ անձինք ծեծի են ենթարկել քաղաքացիական ակտիվիստ Վաղինակ Շուշանյանին:
Հիշեցնենք, որ ակտիվիստը միջադեպից մեկ օր առաջ կառավարության դիմաց հրավիրված ակցիայի ժամանակ քննադատել էր իշխանություններին, ինչպեսև ԱԺ պատգամավոր Արամ Մանուկյանին ծեծելու դեպքը:
Անդրադառնալով ոստիկանության ներքին զորքերի հրամանատար Լյովա Երանոսյանի այն հայտարարությանը, թե «Շան թուլի նման կկտրի նրանց ականջները, ովքեր կհայհոյեն Սերժ Սարգսյանին, Վաղինակ Շուշանյանը հայտարարել էր. «Թող գա, դեմս կանգնի, իրան էլ հայհոյեմ, իրա նախագահին էլ»:
Միջադեպից անմիջապես հետո ակտիվիստը դիմել էր Կենտրոնի ոստիկանություն: «Առաջին լրատվական»-ի հետ զրույցում ոստիկանության լրատվության և հասարակայնության հետ կապերի պատասխանատու Արմեն Մալխասյանն ասաց, որ ոստիկանության Կենտրոնական բաժնում հետաքննություն է կատարվում:
