Հոլիվուդյան դերասանուհի Լյուպիտա Նիոնգոյին համարել են 2014-ին շոու բիզնեսի աստղերի շարքում լավագույն կազմվածքի տեր: Տարվա ֆիթնես ձեռքբերումների ցուցակը հրապարակել է ամերիկյան Fitness Magazine-ը: Այն կազմելու համար պարբերականը հարցում է անցկացրել ընթերցողների շրջանում: Նշվում է, որ Նիոնգոյին հաջողվել է փոքր-ինչ առաջ անցնել Ջենիֆեր Լոպեսից:
Պարբերականը նաև ընտրել է տարվա լավագույն ֆոտոսեսիան, որը դարձել է Interview-ի օգոստոսյան համարի ֆոտոսեսիան՝ բրիտանացի դերասանուհի, կիսամերկ Կիրա Նայթլիի մասնակցությամբ:
Մարզումների համար լավագույն ստեղծագործություններ են համարվել Թեյլոր Սվիֆթի կատարմամբ Shake It Off-ն և Իգգի Ազալայի կատարմամբ՝ Fancy-ն:
Նիոնգոյի դեբյուտը մեծ էկրանին եղել է 2013-ին: Նա հանդես է եկել Սթիվ Մաքքուինի «Ստրկության 12 տարին» ֆիլմում: