Marvel ստուդիան բանակցություններ է վարում Հոլիվուդի լեգենդար դերասան Ալ Պաչինոյի հետ, որպեսզի վերջինս մասնակցի կինոկոմիքսներից մեկի նկարահանումներին:
Ալ Պաչինոն, հնարավոր է, շուտով հայտնվի Marvel-ի կոմիքսներից մեկի էկրանավորման մեջ՝ հայտնում է Lostfilm պորտալը՝ հղում անելով HappySadConfused հեղինակավոր շոուին դերասանի տված հարցազրույցին:
Դերասանը անձամբ է պատմել, որ ստուդիան իրեն հրավիրել է մասնակցելու գրաֆիկական նովելներից մեկի էկրանավորմանը:
Ինչպես նշում է աղբյուրը, դերասանը հիացած է եղել «Գալակտիկայի պահապաններով» ու արդեն հանդիպել է կինոստուդիայի ներկայացուցիչների հետ : Ինչպես ասել է դերասանը, ընկերությունը իրեն հետաքրքիր դեր է առաջարկել, սակայն չի հասցրել ասել, թե ինչ՝ նրա խոսքը ընդմիջվել է հեռախոսազանգով: Հեռախոսազանգից հետո դերասանը կատակել է, թե իրեն զանգահարել է Marvel ստուդիայի ղեկավարը՝ խնդրելով պահպանել ինտրիգը:
Դերասանի համար դա կլինի կոմիքսների էկրանավորման ոչ առաջին դեպքը: Մինչ այդ նա նկարահանվել է «Դիք Թրեյսի» ֆիլմում, որը նրան «Օսկար» էր բերել:
Ենթադրվում է, որ դերասանը կմարմնավորի Փիթեր Կվիլին՝ «Գալակտիկայի պահապանները-2» ֆիլմում:
