Նավթի գները մինչև 2015 թվականի վերջը կարող են վերականգնվել: Նման կարծիք է հայտնել ՕՊԵԿ-ի գլխավոր քարտուղար Աբդալլա Սալեմ Ալ-Բադրին՝ Աբու Դաբիում անցկացվող էներգետիկայի հարցերով 10-րդ արաբական համաժողովի շրջանակում լրագրողների հետ ունեցած զրույցում: Այս մասին հայտնում է TASS գործակալությունը:
«Մենք ներկայում չենք կարող համարժեք գնահատել շուկայի վիճակը»,- ասել է նա՝ նշելով, որ անհրաժեշտ է սպասել 2015-ի երկրորդ կեսին՝ տեսնելու, թե ինչպես կարձագանքի այն նավթի նման ցածր գներին:
Կիրակի ԱՄԷ-ի էներգետիկայի նախարար Սուհեյլ Ֆարաջ Ալ-Մազրուին հույս էր հայտնել, որ իրավիճակը նավթի համաշխարհային շուկայում մոտ ժամանակներս կնորմալանա:
Իր հերթին Սաուդյան Արաբիայի նավթի ու հանքային ռեսուրսների նախարար Ալի Ալ-Նուայմին վստահություն է հայտնել, որ նավթի շուկան կսկսի աճել: Նրա կարծիքով՝ ՕՊԵԿ-ի անդամ չհանդիսացող երկրներն են կրում նավթի գների անկման պատասխանատվությունը, ովքեր չեն ցանկացել համագործակցել իրենց հետ, իսկ ապատեղեկատվության տարածումն ու շահարկումներն էլ հանգեցրել են նավթի գնի անկման: