ԱՄՆ-ը քննարկում է ահաբեկչությունը հովանավորող երկրների ցուցակից Կուբային հանելու և այնտեղ ԿԺԴՀ-ին վերադարձնելու հարցը: Այս մասին, ինչպես հաղորդում է TASS գործակալությունը, հայտարարել է ԱՄՆ նախագահ Բարաք Օբաման CNN հեռուստաընկերությանը տված հարցազրույցում:
«Մենք ուսումնասիրում ենք այդ հարցը: Մենք ունենք շատ հստակ չափանիշներ այն երկրների համար, որոնք հովանավորում են ահաբեկչությունը: Մենք որոշումներ ենք կայացնում ոչ թե ինչ-որ րոպեական իրադարձություններից, այլ համակարգված ենք նայում այդ խնդրին»,- ասել է Օբաման:
Առաջին անգամ Կուբան հայտնվել է ԱՄՆ-ի «սև ցուցակում» 1982 թ., իսկ անցյալ չորեքշաբթի Օբաման պաշտոնապես հայտարարել է Կուբայի հետ դիվանագիտական հարաբերությունների վերսկսման մասին:
ԿԺԴՀ-ի՝ ահաբեկչությունը հովանավորող երկրների ցուցակ վերադարձնելը կապված է նրա հետ, որ ԱՄՆ-ը կասկածում է նրան Sony Pictures կինոստուդիայի վրա կատարված կիբերահաբեկչության մեջ:
