Մայամիում տեղի է ունեցել կուբացի ակտիվիստների բողոքի ակցիա՝ Կուբայի և ԱՄՆ-ի միջև դիվանագիտական հարաբերությունների վերսկսման դեմ: Հարյուրավոր ցուցարարներ վանկարկում էին՝ «Օբամա-դավաճան»՝ ձեռքերում պահելով երկու երկրների դրոշները, հաղորդում է Associated Press-ը:
Ցույցի մասնակիցները հավաքվել էին Մայամիի Փոքրիկ Հավանա զբոսայգում: Ակցիային մասնակցել են ինչպես Կուբայի ընդդիմության առաջնորդները, այնպես էլ կուբայական արմատներով ամերիկացի քաղաքական գործիչներ:
Այն բանից հետո, երբ ԱՄՆ նախագահ Բարաք Օբաման հայտարարել էր Հավանայի հետ մերձեցման ծրագրերի մասին, Մայամիում սոցհարցում է անցկացվել ամերիկացի այն քաղաքացիների շրջանում, ովքեր կուբայական արմատներ ունեն:
Սոցհարցման միջոցով պարզվել է, որ երիտասարդների, միջին տարիքի և տարեց սերնդի ներկայացուցիչների կարծիքներն այս հարցում չեն համընկնում: 65 տարեկանից բարձր քաղաքացիները կտրականապես դեմ են արտահայտվել ԱՄՆ-ի և Կուբայի միջև դիվանագիտական հարաբերությունների վերսկսմանը:
Իսկ 65-ից ցածր տարիք ունեցողներն ընդհակառակը՝ աջակցում են Օբամայի քաղաքականությունը: