Ամերիկյան դերասանուհի Լինդսի Լոհանը պատմել է, թե ինչպես է իր մարմինը պահում լավ մարզավիճակում: Վարժությունները, որոնք անում է 28-ամյա աստղը, գրեթե «էրոտիկ յոգա» է: Այդ մասին նա պատմել է Into The Gloss-ին տված հարցազրույցում:
Վարժությունների կոմպլեքսը, որ նա խորհուրդ է տալիս փորձել յուրաքանչյուրին, կոչվում է S Factor: Դրա մեջ մտնում է մասնավորապես ձողապարը:
«Դա գրեթե էրոտիկ յոգա է, այդ բոլոր կանայք մութ սենյակում են և շատ սեքսուալ շարժվում են: Դա շատ սեքսուալ է և ձողի օգտագործումը նույնես օգտակար է, ամրացնում է սեփական վստահությունը, ստիպում է այլ կերպ մտածել այն մասին, թե ինչպես ես ինքդ վերաբերվում քո մարմնին»,- ասել է Լոհանը:
«Բացի այդ, դու շատ ես քրտնում՝ դա շատ լավ է: Պարապմունքը սկսվում է յոգայով, հետո մի քիչ ձգումներ, որոնք նման են պիլատեսին: Հետո բոլորը շատ դանդաղ շրջում են սենյակում, որն այնքան զգացմունքային է: Դա գեղեցիկ տեսք ունի»,- պատմել է դերասանուհին:
Լինդսին ընդունել է, որ ձողի վրա բարձրացել է ընդամենը մեկ անգամ և դրանից հետո վախենում է կրկնել:
«Ազնիվ կլինեմ, դա շատ բարդ է, բայց դրանից հետո այնքան լավ ես քեզ զգում: Իմ մարմինը դեռ երբեք այսքան լավ վիճակում չի եղել»,- պարծեցել է Լինդսին: