Հայտնի է դարձել, թե ինչպես է աղն ազդում գլխացավի վրա: Ամերիկացի հետազոտողները պարզել են, որ աղի ամենօրյա չափաբաժնի սահմանափակումը 9 գրամից մինչև 3 գրամ՝ 31%-ով նվազեցնում է գլխացավերի քանակը:
3 գրամ աղը մոտավորապես կես թեյի գդալ է: McDonald’s-ի ուտեստներում հենց այդ քանակությամբ աղ է պարունակվում: Աղով հագեցած մթերքների թվում են հացը, լապշան, պանիրը, պահածո վարունգները:
Փորձագետների կարծիքով՝ աղի սահմանափակումը թույլ է տալիս գլխացավերի ինտենսիվության նվազման հասնել անոթային ճնշման նվազման շնորհիվ:
Ընդհանուր առմամբ, փորձին մասնակցել է 400 մարդ, որոնց ընդգրկել են երկու խմբում: Առաջինում մասնակիցները հետևել են ցածր յուղայնություն պարունակող սննդակարգերի, որոնք պարունակել են մրգեր, բանջարեղեններ, ինչպես նաև անյուղ կաթնամթերք: Երկրորդ խմբի մասնակիցները հետևել են արևմտյան դիետայի: Սկզբում երկու խմբերում աղի քանակը պահպանվել է 9 գրամի չափով, և դա չի ազդել գլխացավերի քանակի վրա:
Հետո բոլոր կամավորները սկսել են ավելի քիչ աղ օգտագործել, և երկու խմբերում էլ գլխացավերի քանակը նվազել է:
