ԱՄՆ նախագահ Բարաք Օբաման CNN հեռուստաալիքի հետ հարցազրույցում հայտնել է, որ Հյուսիսային Կորեայի` Sony Pictures-ի վրա կիբերհարձակումը կարելի է վանդալիզմի ակտ անվանել, բայց ոչ պատերազմի:
«Այդ խնդիրը ոչ միայն ժամանցային ինդուստրիայի համար է, այլև լուրերի ինդուստրիայի»,- ասել է Օբաման` հավելելով, որ CNN-ը կարող է նյութեր պատրաստել Հյուսիսային Կորեայի վերաբերյալ` առանց կորեական կառավարությանը տեղյակ պահելու:
Ավելի վաղ հայտնի էր դարձել, որ Հյուսիսային Կորեան ԱՄՆ-ին կոչ է անում համագործակցել վերոնշյալ կիբերհարձակման հետաքննության գործում:
