Ռուսաստանի նախագահ Վլադիմիր Պուտինի գործերը շատ վատ են: Ուկրաինական ճգնաժամի ֆոնին ռուսականն ավելի բարդ է: Այս մասին գրում է «Գրուզիա Օնլայնը»` վկայակոչելով Վրաստանի նախկին նախագահ Միխեիլ Սաակաշվիլիին:
«Պուտինի գործերը վատ են: Ռուսական տնտեսությունը փակուղում է: Ավելի բարդ է, քան Ուկրաինայում` այդքան նավթային և գազային պաշարներով հանդերձ: Պուտինի օլիգարխները սարդերի նման կցրվեն և պատրաստ կլինեն դիմակայել իշխանությանը: Մենք չենք խոսում տասնամյակների կամ տարիների մասին: Երբ ասում եք, որ մարդկանց պետք է վերաբնակեցնել, որտե՞ղ վերաբնակեցնել: Տարածքը պետք է վերահսկողության տակ վերադարձնել: Մարդկանց հետ միասին: Դա Ուկրաինան է: Եվ դա շատ ավելի արագ կլինի, քան պատկերացնում են»,- ասել է Սաակաշվիլին:
«Ես կարծում եմ, որ Ռուսաստանը ստիպված կլինի ինքն այդտեղից հեռանալ: Նա այնպիսի գազանի է բաց թողել, որն էլ հենց կկլանի պուտինյան այդ ռեժիմը: Բոլոր ապստամբները սովորական հանցագործներ են: Կարծում եք նրանց համար տարբերություն կա՞ ում կողոպտել` Դոնբա՞սը, թե՞ Տատանռոգը, կամ Մոսկվա գնալ, երբ այնտեղ քաոս լինի: Հաջորդ ամիսներին, կարծում եմ, նրա վերջն ավելի արագ կլինի»,- ընդգծել է Սաակաշվիլին:
