Աֆղանստանի մայրաքաղաք Քաբուլը աշխարհում ամենաարագ աճող քաղաքներից է: Համարվում է, որ այնտեղ յուրաքանչյուր տարի մուտք է գործում կես միլիոնից ավելի տրանսպորտային միջոց: Այնտեղ լուսացույցներ գրեթե չկան, իսկ վարորդական դասընթացը, որը տևում են 45 օր և արժե 60 դոլար, ոչ մի կերպ չի ազդում տեղի բնակիչների՝ վարելու վերաբերյալ ունեցած պատկերացումների վրա: Նման դասընթացը` տեսական և գործնական, վարում է հրահանգիչը:
Քաբուլում շատ կանայք են ավտոմեքենա վարում: Դասընթացների ժամանակ նրանք հսկայական պաստառների վրա ուսումնասիրում են ճանապարհատրանսպորտային նշանները:
Դասընթացից հետո աշակերտները քննություն պետք է հանձնեն: Վարորդական իրավունք ստանալու համար նրանք պետք է նաև պարապմունքներ անցնեն ոստիկանական տեղամասում: Իհարկե, պարտադիր նախապայման է տեսողության ստուգումը: