BlackBerry կորպորացիան հայտարարել է, որ համագործակցելու է Boeing ընկերության հետ` բարձր պաշտպանվածության հեռախոսների ստեղծման համար, որը կգործի BlackBerry-ի սեփական BES 12 հարթակով: Այս մասին, ինչպես հաղորդում է Russia Today-ը, հայտարարել է BlackBerry կորպորացիայի գլխավոր տնօրեն Ջոն Չենը:
Այս հեռախոսը նախագծվել է հատուկ կառավարական հաստատությունների համար: Այն ծածկագրելու է հաղորդագրությունները և տեղեկատվությունը, իսկ կոտրելու դեպքում ինքնաբերաբար ոչնչացնելու է հեռախոսի մեջ պարունակվող ողջ տեղեկատվությունը:
BlackBerry Enterprise Service կամ BES 12 հարթակը թույլ կտա կառավարել և պաշտպանել սարքը, որը աշխատելու է ոչ միայն BlackBerry ընկերության օպերացիոն համակարգի հիման վրա, այլև Android-ով և iOS-ով:
Համացանցում հայտնված տեղեկությունների համաձայն՝ սարքավորումը կունենա HDML և UBS, նրանում կլինեն Wi-Fi և Bluetooth, բացի այդ՝ այն կարող է աշխատել GSM, WCDMA և LTE ցանցերում: