Իրաքի տապալված նախագահ Սադամ Հուսեյնի պալատը կվերականգնվի և կվերածվի թանգարանի: Ինչպես հայտնում է Iraqi News պարբերականը՝ տվյալ որոշումն ընդունվել է երկրի զբոսաշրջության և հնությունների նախարարության կողմից:
«Զբոսաշրջության և հնությունների նախարարությունը համաձայնել է վերստեղծել Սադամի պալատն այնտեղ, որտեղ ավելի վաղ գտնվել է Բաբելոն հին քաղաքը, և այն վերածել հնությունների թանգարանի»,- ասել է տեղի խորհրդի ներկայացուցիչներից մեկը:
Նշվում է, որ թանգարանում կտեղադրվեն մոտ 4.7 հազար պատմական ցուցանմուշներ, որոնք ավելի վաղ համարվում էին առևանգված և միայն վերջերս են վերադարձվել Իրաք: