Google ընկերությունը ավտոարտադրողների շրջանում գործընկերներ է փնտրում ավտոպիլոտով ավտոմեքենաների արտադրության համար: Հսկան մտադիր է հագեցնել ավտոմեքենաները անվտանգության համակարգով, այլ ոչ թե հավաքել դրանք գործարաններում՝ գրում է The Wall Street Journal-ը:
«Մենք չենք ուզում ավտոարտադրող դառնալ: Մենք բանակցություններ ենք անցկացնում հնարավոր գործընկերների հետ»,- թերթը բերում է նախագծի տնօրեն Քրիս Ուրմսոնի խոսքերը:
Ընկերության ներկայացուցիչը նաև հայտարարել է, որ աշխարհում կան մի շարք ընկերություններ, որոնք հոյակապ ավտոմեքենաներ են արտադրում և Google-ի կողմից հիմարություն կլիներ «փորձել կրկնօրինակել» նրանց փորձը:
Ուրմսոնը հայտնել է, որ նոր սերնդի փորձնական ավտոմեքենաների փորձարկումը կսկսվի 2015թ. սկզբին: