Facebook-ի ժողովրդականությունը ամերիկացի դեռահասների շրջանում երկրորդ տարին անընդմեջ շարունակում է ընկնել: Այս մասին գրում է Bloomberg գործակալությունը՝ հղում անելով со Frank N. Magid Associates ընկերության հետազոտությանը:
Ըստ այդմ՝ 2014թ. Facebook-ից օգտվել է սոցցանցի 13-17 տարեկան ամերիկացի օգտատերերի մոտ 88 տոկոսը: Համեմատության համար նշենք, որ 2013-ին այդ ցուցանիշը կազմել է 94 տոկոս, իսկ 2012-ին՝ 95 տոկոս:
Դեռահասները աստիճանաբար կորցնում են հետաքրքրությունը Facebook-ի նկատմամբ և սկսում ուշադրություն ցուցաբերել այլ սոցցանցերի: Այսպես օրինակ. վերջին տարում դեռահաս օգտատերերի թիվը Twitter-ում 46 տոկոսից հասել է մինչև 48 տոկոսի:
Հետազոտությունը լրջորեն անհանգստացրել է Facebook-ի ներդրողներին, ընդ որում՝ սոցցանցի թոփ-մենեջերները անձամբ են խոստովանել, որ դեռահասներն այնքան էլ ակտիվ չեն Facebook-ում:
Facebook-ն առանձնանում է ավելի տարիքով լսարանով: Դեռահասների կողմից Facebook-ը լքելու պատճառների թվում նշվում է սոցցանցի անվտանգության նկատմամբ նրանց ընկալումը:
