Կանանց իրավունքների պաշտպան Ms. Foundation for Women կազմակերպությունը Cosmopolitan ամսագրի հետ միասին առցանց քվերակություն է անցկացրել: Համացանցի օգտագործողների կարծիքով՝ դերասանուհի Էմմա Ուոթսոնը ֆեմինիզմին աջակցող աստղերի ցուցակում առաջին տեղն է զբաղեցրել:
Էմմայի հաղթանակն ակնհայտ էր, այս տարվա սեպտեմբեր ամսին դերասանուհին դարձել է United Nations Women կազմակերպության պատվիրակը և He For She արշավի օգտին հատուկ ելույթով հանդես է եկել ՄԱԿ-ի շտաբ-բնակարանում:
Ցուցակում երկրորդ տեղը զբաղեցրել է տրանսգենդեր-դերասանուհի Լավրենե Կոքսը: Բացի դերասանական աշխատանքից նա մեծ ժամանակ է տրամադրում քաղաքականությանը և պայքարում է տրանսգենդերների իրավունքների համար:
Երրորդ տեղում հեռուստահաղորդավարուհի և լրագրող Ռեյչել Մեդոուն է, ով հայտնի է իր լիբերալ-ֆեմինիստական հայացքներով: Հատկանշական է, որ Մեդոուն ոչ ավանդական սեքսուալ կողմնորոշվածությամբ առաջին հեռուստահաղորդավարուհին է, ով պարբերաբար հայտնվում է լուրերի թողարկման ժամանակ:
Բեյոնսեն այս ցուցակում չորրորդ տեղն է զբաղեցրել: Հիշեցնենք, սակայն, որ երգչուհուն վերջերս հաճախ են քննադատում ֆեմինիստական արտահայտությունները սեփական շահերի համար օգտագործելու համար:
Այս ցուցակում ներառվել են նաև երգչուհի Շերը, դերասանուհիներ Մերիլ Սթրիփը և Մինդի Քալինգը, հեռուստահաղորդավարուհիներ Թինա Ֆեյը և Էմի Փոլերը:
