Քրդական «փեշմերգա» խմբավորումների գրոհայիններն առաջիկա ժամերին կսկսեն տարհանել Իրաքի հյուսիսարևմտյան Սինջար լեռնային շրջանում փախստական եզդիներին, գրում է TASS-ը: Հազարավոր եզդիներ, ովքեր հետապնդվում էին ԴԱԻՇ-ի (Իրաքի և Շամի Իսլամական Պետություն) կողմից, դեռևս օգոստոսին ծայրահեղականներից թաքնվել են դժվար հասանելի լեռնային տեղանքներում: Սակայն, ձմեռային ցրտերի սկսվելուն պես նրանց դրությունը վատթարացել է:
Այս շաբաթ տեղի ունեցած ռազմական օպերացիայի արդյունքում, որին մասնակցել են քրդական «փեշմերգաների» 8 հազար մարտիկներ, հաջողվել է ԴԱԻՇ-ի արմատականներին դուրս շպրտել Սանջարի մեծ մասից: ԴԱԻՇ-ի հրոսակները նահանջել են մինչև Թել Աֆարու:
«Երկօրյա մարտերի ընթացքում առնվազն 100 մոջահեդ է ոչնչացվել և բացվել են լեռնային տեղանքում գտնվող շրջափակված գյուղեր ճանապարհները, որտեղ հազարավոր փախստականներ են թաքնվում»,- հայտարարել է Իրաքյան Քուրդստանի Ազգային անվտանգության խորհրդի ղեկավար Մասրուր Բարզանին: Նրա խոսքերով` «փեշմերգաներն» այժմ վերահսկում են Սինջար լեռան լանջերի շրջանների 70 տոկոսը: