Մամուլի հաղորդմամբ՝ 51-ամյա դերասանի մոտ ընկերները, որոնց թվում են Թիմ Բարտոնը, Հելենա Բոնեմ Քարթերը, Մերիլին Մենսոնը և Սթիվեն Թայլերը, հրավերք են ստացել ամանորը նշել Դեպին պատկանող կղզում:
Ջոնի ամանորյա երեկույթները նրա ընկերների համար արդեն ավանդական են դարձել, սակայն այս տարին հատուկ է. ներքին աղբյուրները սկսել են խոսել այն մասին, որ Դեպն ու Հերդը, հնարավոր է, որոշել են իրենց ընկերներին անակնկալ անել, գրում է The Sun-ը:
Զույգին մոտ կանգնած աղբյուրները պատմում են. «Ջոնի երեկույթները թեթև են անցնում, այդ պատճառով էլ հյուրերին զարմացրել է, որ մեծ տոնակատարություն է լինելու: Այս անգամ նա ընկերներին ընտանիքներով է հրավիրել»:
Զույգի ընկերները կասկածում են, որ, հնարավոր է, Էմբերն ու Ջոնին որոշել են ամուսնանալ, սակայն այդ կապակցությամբ աղմուկ չեն ցանկանում բարձրացնել:
Լրագրողների տվյալներով՝ դերասանները միշտ ցանկացել են ամուսնանալ Amber Beach լողափում. դրա աստղային տերը այն իր սիրելիի պատվին է անվանակոչել:
Հիշեցնենք, որ Դեպի և Հերդի նշանադրությունը կայացել է այս տարվա սկզբին: Սակայն, վերջին շրջանում լուրեր էին պտտվում նրանց հարաբերություններում խնդիրների և նույնիսկ հարսանիքի հետաձգման մասին:
