Սորբոնի համալսարանի գիտնականները պարզել են, որ ամբոխից չառանձնանալու ցանկությունը մարդկանց ստիպում է սխալ որոշումներ կայացնել: Մարդիկ ավելի շատ են հիմնվում ուրիշների կարծիքների վրա, քան սեփական համոզմունքների: Այս մասին է գրում The Times of Malta-ն:
Մասնագետները սոցիալական տեղեկատվության զարգացման համար մաթեմատիկական մեխանիզմներ են օգտագործել: Նրանք կենդանիների վրա փորձեր են կատարել: Պարզվել է, որ ուրիշների ազդեցության տակ հայտնվելը շատ հեշտ է: Գիտնականների եզրակացություններն արտահայտում են անձնական և կոլեկտիվ կարծիքների միջև բախումը: Այդ կոնֆլիկտը կարող է նոր պայմաններին դժվարությամբ հարմարվելու պատճառ դառնալ:
«Հոտային զգայարանի» պատճառով շատերը կրկնում են մեկը մյուսի արարքները, այլ ոչ թե ինքնուրույն ընտրություն են կատարում: Նման ռազմավարությունը նվազեցնում է տարբեր փոփոխությունների նկատմամբ զգայունությունը: Այն օգտակար է տարբեր պայմաններում, օրինակ, կարծիքներ լսելով՝ կարելի է լավ հեռախոս ընտրել: Սակայն երբ անձնական համոզմունքները հակառակ են մյուսների կարծիքներին, միշտ խնդիրներ են առաջանում:
