Thursday, 28 03 2024
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ
20:40
Սևաստոպոլում ռազմական ինքնաթիռն ընկել է ծովը
Ռուսաստանցիները կորցնում են հետաքրքրությունը Դուբայի նկատմամբ
Ադրբեջանը հրաժարվում է սահմանազատումից՝ Հայաստանին ներկայացնելով ահաբեկիչ և օկուպանտ
Հայկական լեռնաշխարհը պատմականորեն եղել է համաշխարհային քաղաքակրթությունների խաչմերուկ. ՀՀ նախագահ
ԿԳՄՍ նախարարն ու փոխնախարարն այցելել են «Թատրոն տանիքում» այլընտրանքային թատրոն
Live. «Առաջին լրատվական» տեղեկատվական-վերլուծական կենտրոն
ԱԺ պատգամավորներն աշխատանքային այցով կգործուղվեն Բեռլին
ՀՀ կառավարության ուղարկած մարդասիրական օգնությունը հասել է Եգիպտոս. 1– 2 օրում կփոխանցվի Գազայի բնակիչներին
Հայաստանի տարածքում կան փակ և դժվարանցանելի ավտոճանապարհներ
Եվրոպական խորհրդի քաղաքական եւ անվտանգության հարցերով կոմիտեի անդամները կայցելեն Հայաստան
Սահմանամերձ գյուղերում բնակարան կառուցելու համար պետական աջակցության ծրագրով նախորդ տարի հաստատվել է 280 շահառուի հայտ
Լրատվական-վերլուծական երեկոյան թողարկում
Ուղիղ. այսօր Ավագ Հինգշաբթի է. ոտնլվայի արարողություն և խավարման կարգ Անթիլիայում
18:50
Ռուսաստանը պատրաստվում է նոր մեծ հակահարձակման
«Կովկասի գերուհու» տնօրենը 11մլն․ դրամ է հափշտակել
Համոզված եմ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան
Ավագ հինգշաբթին Մայր Աթոռ Սուրբ Էջմիածնում
18:40
ԵՄ-ը մինչև ապրիլ կներկայացնի Ուկրաինային սպառազինությունների մատակարարման պլանը
Իսրայելը ՀԱՄԱՍ-ի 200 զինյալ է լիկվիդացրել Աշ-Շիֆա հիվանդանոցում
«Աշխարհին նոր բազմակողմանի առևտրային համակարգ է անհրաժեշտ». Տոկաև

2015 թ.-ին կլուծվի ներկայում հաշվառված 4-րդ աստիճանի վթարային շենքերի բոլոր բնակիչների բնակարանային խնդիրը

Երևանի քաղաքապետի առաջին տեղակալ Կամո Արեյանը քաղաքապետարանում հրավիրված մամուլի ասուլիսի ընթացքում ներկայացրել է շինարարության և բարեկարգման, բնապահպանության, կոմունալ տնտեսության և սոցիալական ապահովության ոլորտներում 2014 թվականին համայնքային բյուջեի միջոցներով, ինչպես նաև ներդրումային ծրագրերով կատարված աշխատանքների հաշվետվությունները, ինչպես նաև խոսել 2015թ. նախատեսված ծրագրերի մասին: Անդրադառնալով ճանապարհաշինական ծրագրերին՝ Կամո Արեյանը մայրաքաղաքի համար որպես կարևորագույն ձեռքբերում առանձնացրել Լենինգրադյան փողոցն Իսակովի պողոտային կապող արագընթաց նոր մայրուղու շահագործումը:

«Դեռևս 1970-ական թվականներից գլխավոր հատակագծով նախատեսված ճանապարհն ի վերջո այս տարի իրականություն դարձավ: Մայրուղին առանցքային դեր է կատարում մայրաքաղաքի ճանապարհաշինության և կենտրոնի երթևեկի բեռնաթափման առումով: Ավտոճանապարհը կունենա նաև իր շարունակությունը դեպի Արշակունյաց պողոտա»,-ընդգծել է քաղաքապետի առաջին տեղակալը՝ առանցքային համարելով նաև Վիլնյուսի փողոցի շարունակությունը հանդիսացող՝ Նոր Նորքի 8-րդ զանգվածը 9-րդին կապող ճանապարհահատվածի կառուցումը: Այս տարի առանձակի ուշադրություն է դարձվել մի շարք խաչմերուկների վերակառուցմանը: Ասիական զարգացման բանկի վարկային ծրագրի շրջանակում իրականացվող ճանապարհաշինական ծրագրի հետ կապված՝ քաղաքապետի առաջին տեղակալը նշել է, որ Աշխատանքի հրապարակից մինչև Շիրակի փողոց ընկած հատվածի ճանապարհաշինական աշխատանքներն ավարտված են: Հետագայում նախատեսվում է այն միացնել Արտաշատի խճուղուն:

«2014 թվականին Ճանապարհաշինական ծրագրերով մայրաքաղաքում շուրջ 6.5 կմ նորաստեղծ ճանապարհահատվածներ ու կամրջային հատվածներ ունեցանք: Վերջին 5-6 տարիների ընթացքում սա աննախադեպ ցուցանիշ է»,-ընդգծել է Կամո Արեյանը:

Այս տարի իրականացվել է շուրջ 2 մլն քմ ասֆալտապատման աշխատանք, որի շրջանակում հիմնանորոգվել է 23 փողոց: Քաղաքապետի առաջին տեղակալը մեկ անգամ ևս տեղեկացրել է, որ կարևորելով մայրաքաղաքի համաչափ զարգացման սկզբունքը՝ նշված փողոցներից միայն 2-ն են Կենտրոն վարչական շրջանում: Ասֆալտապատվել են նաև տասնյակ բակային տարածքներ ու նախկին գրունտային ճանապարհներ: Իրականացվել են շուրջ 20 հազար քմ մայթերի սալիկապատման աշխատանքներ: Կամո Արեյանն առանձնացրել է նաև մայրաքաղաքում թեքահարթակների կառուցման աշխատանքները: Մասնավորապես նշվել է, որ համայնքային բյուջեի միջոցներով, ինչպես նաև փողոցների հիմնանորոգման ծրագրերով կառուցվել է 662 թեքահարթակ՝ նախորդ տարվա 380-ի համեմատ: Հենաշարժողական խնդիրներ ունեցող անձանց համար մայրաքաղաքն առավել հարմարավետ դարձնելու աշխատանքների մասով Կամո Արեյանն առանձնացրել է հասարակական տրանսպորտը հարմարեցնելու նպատակով հատուկ վերելակների ներկրումը, որոնք, ի դեպ, շուտով կլինեն Երևանում, ինչպես նաև խաչմերուկներին ձայնաազդանշանային սարքերի տեղադրումը:

4-րդ աստիճանի վթարային շենքերի բնակիչներին նոր բնակարններով ապահովելու համար շարունակվել է այդ նպատակով կառուցվող շենքերի շինարարությունը: Կամո Արեյանը տեղեկացրել է, որ ծրագրի ավարտը նախատեսված է 2015 թվականին:

«2015 թվականին սա մեր կարևորագույն ծրագրերից մեկն է, որով ամբողջությամբ կլուծվի ներկայում հաշվառված 4-րդ աստիճանի վթարային շենքերի բոլոր բնակիչների վերաբնակեցման հարցը: Շահագործման կհանձնվի այդ նպատակով կառուցվող միանգամից չորս շենք: Միաժամանակ պետք է նշեմ, որ աշխատանքներ ենք տանելու նաև 3-րդ աստիճանի վթարային շենքերի ամրացման ուղղությամբ»,- ընդգծել է Կամո Արեյանը:

Բազմաբնակարան բնակելի շենքերի պահպանման ուղղությամբ իրականացվող ծրագրերի մասին խոսելով՝ ներկայացվել են հարթ և թեք տանիքների, շքամուտքերի, վթարային պատշգամբների վերանորոգման աշխատանքները: Նախորդ տարվա ծավալների համեմատությամբ նշվել է, որ 2013-ի 44 շենքում 76 շքապատշգամբների վերանորոգման փոխարեն այս տարի 93 շենքի 200 շքապատշգամբ է նորոգվել:

«Մենք բազմիցս շեշտել ենք, որ պատշգամբները բնակիչների բաժնային սեփականություն են, և Երևանի քաղաքապետարանը դրանց վերանորոգման մասով որևէ պարտավորություն չունի: Սակայն, քաղաքապետ Տարոն Մարգարյանի հանձնարարությամբ, հաշվի առնելով խնդրի կարևորությունն ու նաև սոցիալական բաղադրիչը, աշխատանքներն իրականացվեցին համայնքային բյուջեի միջոցներով»,- ընդգծել է քաղաքապետի առաջին տեղակալը:

Բակերի բարեկարգման ծրագրի հետ կապված նշվել է, որ այս տարի, ինչպես և նախապես քաղաքապետի կողմից հայտարարվել էր, բակային 600 տարածք է ամբողջությամբ բարեկարգվել և համապատասխան գույքով կահավորվել: Ապահովվել է նաև արտաքին լուսավորությունը: Ի դեպ, քաղաքապետարանի ծրագրերով արտաքին լուսավորությամբ են ապահովվել մայրաքաղաքի նախկինում լուսավորության ցանց չունեցող թվով 24 փողոցներ:

Քաղաքապետարանի ենթակայության կրթական, մշակութային և առողջապահական հաստատությունների, այդ թվում գրադարանների, արվեստի և երաժշտական դպրոցների վերանորոգման ծրագրի մասով նշվել է, որ 2014 թվականի հիմնանորոգման ծրագրում ընդգրկվել էր 57 օբյեկտ: Ծրագիրը շարունակական կլինի նաև 2015-ին:

Անդրադառնալով բնապահպանության ոլորտում կատարված աշխատանքներին՝ Կամո Արեյանը նշել է, որ ընդհանուր օգտագործման կանաչ տարածքների ծավալը հասել է 855 հեկտարի՝ 5 հեկտարով գերազանցելով նախորդ տարվա ցուցանիշը: Մայրաքաղաքի կանաչ տարածքների պահպանման և ընդլայնման նպատակով տնկվել է 60 հազար ծառ և թուփ՝ 2013-ի 38 հազարի համեմատ: Ավելացել են նաև ծաղկային ձևավորմամբ տարածքները: Ոռոգման համակարգն ընդլայնվել է 20 կմ-ով:

«Եթե 2012 թվականին ընդամենը 5 հեկտար էին կազմում նորաստեղծ կանաչապատ հանգստի գոտիները, ապա միայն այս տարի նախկինում անխնամ ու անուշադրության մատնված 12 հեկտար տարածքների տեղում ստեղծվել են նոր այգի-պուրակներ: Ընդ որում, մեզ համար առաջնային էր, որպեսզի դրանք լինեն վարչական տարբեր շրջաններում և հասանելի լինեն նաև հաշմանդամություն ունեցող անձանց համար»,- նկատել է քաղաքապետի առաջին տեղակալը:

Սոցիալական ապահովության ոլորտի անցնող տարվա աշխատանքներին անդրադառնալով՝ Կամո Արեյանը տեղեկացրել է, որ պետության կողմից նախատեսված բոլոր ծրագրերն իրականացվել են 100 տոկոսով: Համայնքային բյուջեով իրականացվել է սոցիալական աջակցության 17 ծավալուն ծրագիր: Այստեղ առանձնացվել է երևանաբնակ զինծառայողների ծնողների այցերի կազմակերպումը սահմանամերձ զորամասեր:

Բաժիններ
Ուղիղ
Լրահոս
Որոնում