Մյունխենի «Բավարիա»-ն առաջիկա ձմեռային տրանսֆերային պատուհանի ժամանակ նորեկներ չի ունենա: Այդ մասին հայտարարել է թիմի գլխավոր մարզիչ Պեպ Գվարդիոլան:
« «Բավարիա»-ին նոր ֆուտբոլիստներ հարկավոր չեն: Որքան շատ են ֆուտբոլիստները, այնքան շատ են խնդիրները: Գոհ եմ իմ թիմից»,- Գվարդիոլայի խոսքերը մեջբերում է Merkur-Online-ը:
Գվարդիոլան նաև անդրադարձել է թիմի կիսապաշտպաններ Հերդան Շաքիրիին ու Էմիլ Հյոյբերգին, ովքեր կարող են կարող են ձմռանը հեռանալ թիմից: Գվարդիոլան հայտարարել է, որ նրանք մասնակցելու են Քաթարում կայանալիք ուսումնամարզական հավաքին: