Ամերիկացի զինվորականներն Իրաքի արևմտյան Էլ-Անբար գավառում առաջին անգամ բախվել են ԴԱԻՇ (Իրաքի և Շամի իսլամական պետություն) ծայրահեղական կազմակերպության գրոհայինների հետ: Նրանք մասնակցել են Իրաքի անվտանգության ուժերի և աշխարհազորայինների հակահարձակմանը: Աշխարհազորայինները Այն էլ-Ասադ ռազմական բազայի մերձակայքում բնակվող ցեղերից են, հաղորդում է Waradana գործակալությունը:
«ԱՄՆ բանակի ստորաբաժանումը, զինված թեթև հրազենով և գնդացիրներով, օդից F-18 ինքնաթիռների աջակցությամբ, զգալի վնաս է հասցրել գրոհայինների կենդանի ուժին և ստիպել նրանց նահանջել Ադ-Դուլյաբ շրջանից` գրոհայիններին Այն էլ-Ասադ ռազմական բազայից դուրս մղելու համար»,- ասվում է հաղորդագրությունում:
Իրաքի խորհրդարանի անվտանգության և պաշտպանության կոմիտեն, սակայն, չնայած այդ տեղեկությունը դեռևս պաշտոնապես չի հաստատվել, ամերիկացի զինվորականների գործողությունները համարել է անվտանգության ոլորտում Բաղդադի և Վաշինգտոնի միջև պայմանավորվածության խախտում: