Վրաստանի վարչապետ Իրակլի Ղարիբաշվիլին երախտագիտություն է հայտնել Եվրախորհրդարանին հինգշաբթի ԵՄ-ի հետՎրաստանի Ասոցացման համաձայնագիրը վավերացնելու համար: Վարչապետի հայտարարությունում նշվում է, որ այդ փաստաթղթի վավերացումը «Վրաստանի և նրա կառույցների նկատմամբ վստահության արտացոլումն է»:
«Վերջին տարիներին մենք ջանք չենք խնայել ժողովրդավարական բարեփոխումներ անցկացնելու համար, որոնք պայմանավորեցին մեր այս հաջողությունը»,- նշել է Ղարիբաշվիլին:
Նա ընդգծել է, որ Վրաստանի իշխանությունները հստակ որոշել են ԵՄ-ի հետ Ասոցացման համաձայնագիրը կատարել արագ և ամբողջական ծավալով, որպեսզի երկրում «լիովին հաստատվեն եվրոպական չափանիշներ»:
«Վրաստանը կայուն ժողովրդավարություն, ակտիվ տնտեսություն ունեցող երկիր է, ունի համապատասխան հմտություններ», ինչպես նաև իր ներդրումն ունի միջազգային անվտանգության գործում, հավելել է վարչապետը: