Ճապոնիայի Ցուկուբա համալսարանի մասնագետները յուրօրինակ համակարգ են մշակել, որը թույլ է տալիս դաշնամուր նվագել առանց ստեղներին ձեռքերով հպվելու: Այս մասին գրում է TASS-ը` վկայակոչելով ճապոնական ԶԼՄ-ներին:
Նվագելուց առաջ դաշնակահարը հատուկ ակնոց պետք է կրի, որը զգայուն հաղորդիչների միջոցով նկատում է աչքերի շարժումը: Նվագողը տեսնում է ստեղները, որոնք նշանակում են ոչ թե առանձին նոտա, այլ ամբողջական ակորդ: Նա պետք է ըստ անհրաժեշտության նայի նրանց, որպեսզի դրանք հնչեն: Նման մեթոդը դեռևս թույլ է տալիս նվագել միայն ակորդները, ոչ թե երաժշտությունը:
Տոկիոյի դպրոցներից մեկում սարքավորումը ներկայացնելիս Joy to the World երգը դրա վրա «նվագել է» 17-ամյա աշակերտը: