ՄԱԿ-ի գլխավոր քարտուղար Պան Գի Մունը կարծում է, որ սիրիական հակամարտությունը պետք է կարգավորվի 2015 թվականին: Պան Գի Մունը Սիրիայի կառավարությանն ու ընդդիմությանը կոչ է արել նստել բանակցային սեղանի շուրջ՝ քննարկելու ապագան: Այս մասին հայտնում է TASS գործակալությունը:
«2015-ը պետք է դառնա տարի, որի ընթացքում մենք վերջ կդնենք Սիրիայում մղձավանջին և կկանխենք այլ տագնապալի իրավիճակների սրումը»,- ասել է ՄԱԿ-ի գլխավոր քարտուղարը:
Նա բարձր է գնահատել ջանքերը, որոնք ձեռնարկում է Սիրիայի հարցով իր հատուկ պատվիրակ Ստաֆան դե Միստուրան: Խոսքը մասնավորապես «սառեցման գոտիների» ստեղծման նախաձեռնության մասին է՝ սկսած Հալեպից:
Նա հիշեցրել է, որ Սիրիայում հակամարտությունը շարունակվում է արդեն մոտ 4 տարի, իսկ զոհերի թիվը մոտեցել է 200 հազարի: