Armlur.am-ի տեղեկություններով՝ այսօր և վաղը Հայաստան են ժամանելու մի շարք քրեական հեղինակություններ և «օրենքով գողեր»՝ մասնակցելու հայազգի «օրենքով գող» Արմեն Հարությունյանի (Արմեն Կուբանսկի) մահվան 3-րդ տարելիցի արարողությանը:
Արարողությունն, ամենայն հավանականությամբ, տեղի կունենա Կուբանսկու՝ ոչ պակաս հայտնի եղբոր՝ Արտյոմ Շահումյանցու առանձնատանը, որը գտնվում է Երևանի Մալաթիա-Սեբաստիա վարչական շրջանում:
Armlur.am-ին չհաջողվեց կապ հաստատել Ոստիկանության հասարակայնության հետ կապի և լրատվության բաժնի պետ Աշոտ Ահարոնյանի հետ՝ լուրի հետ կապված մանրամասներ իմանալու համար:
Այստեղ հարկ ենք համարում նշել, որ 3 տարի առաջ «օրենքով գողի» հուղարկավորությանը՝ 2011 թվականի դեկտեմբերի 21-ին, «հաջողացրել են» մասնակցություն ունենալ «գողերի» կնքահայր Դեդ Հասանի զարմիկն ու «օրենքով գող» Կամո Սաֆարյանը, թեպետ այստեղ գտնվելու ցանկություն ունեցել են բազմաթիվ քրեական հեղինակություններ: Ասում են, որ այդ ժամանակ տեղի «օրենքով գողերի» համար ևս հնարավորություն է ընձեռվել հրաժեշտ տալ իրենց «գործընկերոջը» և մասնակցել հուղարկավորությանը, որն անց է կացվել իրավապահ մարմինների խիստ հսկողության ներքո:
Տարածված լուրերի համաձայն՝ դեկտեմբերի 20-ի ուշ երեկոյան՝ Արմեն Կուբանսկու հոգեհանգստին, ներկա են գտնվել նաև այնպիսի բարձրաստիճան զինվորականներ, ինչպիսիք են ՀՀ ոստիկանապետ Վլադիմիր Գասպարյանը, ՀՀ ԶՈւ Գլխավոր շտաբի պետի տեղակալ գեներալ-լեյտենանտ Հայկազ Բաղմանյանը և այդ ժամանակ վերջինիս տեղակալ Արշալույս Փայտյանը:
Ամբողջական հոդվածը կարող եք կարդալ armlur.am-ում
